Legge SpecialeGianni Scarpa
Ho letto sul giornale un articolo comunale, che diseva che ghe gera un bando in città, per tutti i venesiani una legge speciale, che i schei te gavaria regalà, te gavarà da’ schei per giustar le scae, e anca per giustar i copi, e i muri, tutto bon co sti tempi duri. Corro subito a Venesia sui uffici comunai, per farme dare una spiegasion, ghe gera una persona che spiegava gentilmente, per tutta la popolasion, el diseva che gera semplice e che l’occasion bisogna ciaparla al vol, basta qualche carta e un francobolo. E firma carte, carte e carte ancora, e firmemo de qua de su e de zo, e carte e carte ancora, no la finise pi, se penso a quelo del comune che diseva che questa gera un’occasion, si gera un’occasion per farse la casa bea mi so solo che, no go più schei in scarsea. Quando che ormai della legge speciale mi me gero desmentegà, me ze rivà una carta con su scritto, che col punteggio so passa, femo i conti con l’impresa edile e anche l’architetto. Non me xe restà i schei hnanca per el tetto. E firmemo carte, carte e carte ancora, e firmemo de qua de su e de zo, e firmo carte e carte ancora, no la finise pi, se penso a quelo del comune che diseva che questa gera un’occasion, si gera l’occasion per farse la casa bea mi so solo che, no go più schei in scarsea. E adesso che la casa ze finia E su vegnuo ad abitar, devo dire che ze un piasere, dentro sta casa cossi grande star, la ze tanto bea che abitarghe xe una grande festa, però se penso ai sche me sciope la testa e quante carte carte e carte ancora e firme de qua de su de zo e quante carte e carte ancora, no la finiva pi, se penso a quelo del comune che diseva che questa gera un’occasion, si gera l’occasion per farse la casa bea mi so solo che, no go più schei in scarsea. mi so solo che, no go più schei in scarsea. |