I Fasioi

Anonimo

   

Mi vivo per i fasioi e ea pasta sutta,

poenta  risi e verse soffegae

e nea oscurità gò visto un piato

pronto a saltarghe a dosso el giera un gato

no ghe a fasso più.

 

Cossa gogio da far se no lavoro

i fioi siga fame tuti in coro

mia mugier me manda ai sindacati

la boba vado a tor anca dai frati

no ghe a fasso più.

 

Ma un giorno per far presto

sora un scorso xo sbrisà

sa roto ea pignata ei fasioi sa ribaltà,

 

vado a casa pensando ai mi fioi

che spetava el papà co i fasioi

co i ma visto i sa meso cantar

xe rivà el papà col magnar,

anca mi cosa gogio da far

se ea pignata me sa ribaltà

el destin co nialtri ea ga fissada

de farne soffrir sempre più.

 

Gavevo un guardaroba mal fornito

una giacheta el capeo smarrito

xe che scade el giorno de l’afito

e mia mugier me va a impegnar el vestito

no ghe a fasso più.

 

Appena che i eo ga visto

i ga dito el xe tarmà

io porta in gheto vecio

al muse dele antichità,

 

neanca el monte ea gagio intivada

ea giacheta ea gera tarmada

anca mi cosa gogio da far

se l’afito me toca pagar

se el paron el ne mandarà in strada

aae barache ne tocarà andar

se el destin co nialtri ea ga fissada

de farne soffrir sempre più.

 

Vado a casa pensando ai mi fioi

che spetava el papà co i fasioi

co i ma visto i sa meso cantar

xe rivà el papà col magnar,

anca mi cosa gogio da far

se ea pignata me sa ribaltà

el destin co nialtri ea ga fissada

de farne soffrir sempre più.